Takk Henry! |
| Diskusjonen går |
|
|
Grendahus kafé held på tradisjonen med ein tur før sesongavslutning. Denne gongen gjekk turen til Hardanger. (Siste kafédag vert 20. juni) |
|
Som blomstringstur var ikkje alle like imponerte. Dei store bugnande fruktrea med eit hav av blomar var no erstatta med små tre, og mindre imponerande blomeprakt. Men blomstring var det absolutt. |
|
| Kjølstrekking av ein Strandebarmar |
Men Hardanger er meir enn fruktblomstring. Første stopp var Hardanger Fartøyvernsenter der vi vart tekne i mot av Oddvar Soldal. Han fortalde om starten med restaurering av hardangerjakta, som er velkjend i fjordane våre. Han gav oss så ein spennande tur rundt på senteret der vi m.a. fekk sjå kjølstrekking av to Strandebarmbåtar. |
|
Eter ein lunsjpause fekk vi sjå biletserien 'Då sjøen var vegen' med dagleglivet ved dei små strandstadane i vårt område. Mange gode foto av kjende og ukjende båtar - Sunnhordland, Vøringen, Granvin m.fl. |
|
| Roar nervane før sidersmaking |
Neste stopp var Ulvik med besøk og smaksprøvar på Hardanger Saft- og Siderfabrikk. På Lekve gard vart vi tekne godt i mot av Nils J. Lekve. Her fekk vi følgja prosessen frå eple til saft, til sider og eplebrennevin og eplelikør. |
|
| Litt meir en heimeindustri |
Gode smaksprøvar, men dette stagga ikkje svolten. Vi måtte vidare til Kinsarvik der middagen venta. Du kan tru det smaka! Biff med potetstappe og italienske grønsaker. |
|
I 9-tida starta vi, og kl 21 var vi heime att etter ein fantastisk tur. Takk til Henry og resten av kommitéen. |
|
nhk |
|
|
|
|
|