| Slangar er hovudsak |
Etter at Jokerbutikken la ned har butikklokala stått tome. For oss i nærmiljøet var det difor stor stas då vi høyrde rykte om at det kanskje kunne koma nytt liv i lokala. I dag vart dette røyndom. Slangeservice AS flytta frå garasjen til Trond Martin Bjelland inn i butikklokalet. Som firmanamnet seier er det hovudfokus på slangar. Ikkje levande slangar, men hydraulikkslangar, koplingar og anna som høyrer til. I butikken finn vi og div. verktøy, vernesko, arbeidstøy, arbeidslampar, og mykje meir - ein butikk for mannfolk! Herøysund Bygdalag ønskjer lukke til med butikken, og vonar på eit langt liv. Skulle det ikkje vera trong for eit par arbeidshanskar, så kan det likevel vera greitt å koma innom på ein kaffikopp. nhk |